నియోజకవర్గంలోని పీహెచ్‌సీలు, సీహెచ్‌సీలు, ఏరియా ఆసుపత్రుల అభివృద్ధికి అవసరమైన సిబ్బంది, మౌలిక వసతులు, సాంకేతిక పరికరాల అంచనాలతో ప్రణాళికలు సిద్ధం చేయాలని ఎమ్మెల్యే కోమటిరెడ్డి రాజ్‌గోపాల్ రెడ్డి అధికారులను ఆదేశించారు. మునుగోడులో నల్గొండ, యాదాద్రి జిల్లాల వైద్యాధికారులతో ఆయన సమీక్ష నిర్వహించారు. ​ఈ సందర్భంగా ఆయన మాట్లాడుతూ.. డాక్టర్లు బాధ్యతాయుతంగా పనిచేయాలని, పేదలకు ఉచిత వైద్యం అందాలన్నారు. చౌటుప్పల్‌లో ట్రామా కేర్ సెంటర్, 100 పడకల ఆసుపత్రి వేగవంతానికి చర్యలు తీసుకుంటామని, మునుగోడు, నాంపల్లి, మర్రిగూడ, చండూరు ఆసుపత్రుల విస్తరణకు నివేదికలు పంపాలని సూచించారు. ఈ సమావేశంలో రెండు జిల్లాల డీఎంహెచ్‌ఓలు, డీసీహెచ్‌ఓలు పాల్గొన్నారు.