నల్లగొండ ప్రతినిధి:

మహిళలను స్వయం ఉపాధి వైపు నడిపించే మరో ముందడుగు పడింది. ఆరు నెలల పాటు కుట్టు శిక్షణ పూర్తి చేసిన 30 మంది మహిళలకు ఉచితంగా కుట్టుమిషన్లు, కుట్టు మెటీరియల్ అందజేశారు. యూత్ ఫర్ సేవా, సర్వీస్ సంస్థల సంయుక్త ఆధ్వర్యంలో నల్లగొండ నగరంలోని హిమగిరి కాలనీలో నిర్వహించిన ఈ కార్యక్రమం మహిళల్లో కొత్త ఆత్మవిశ్వాసాన్ని నింపింది. యూత్ పర్సే సేవా

సహకారంతో ఐదో బ్యాచ్‌కు చెందిన శిక్షణార్థినులకు కుట్టుమిషన్లు పంపిణీ చేశారు. ఈ సందర్భంగా చాప్టర్ అడ్వైజరీ సభ్యులు సుధారాణి, భరద్వాజ్, యూత్ ఫర్ సేవా సీఎస్‌ఆర్ మేనేజర్ ప్రవీణ్ సింగ్, లైవ్లీహుడ్ మేనేజర్ విశ్వతేజ, జిల్లా కోఆర్డినేటర్ నాగేందర్, ఉపాధి శిక్షకురాలు నాగమణి చేతుల మీదుగా మిషన్లు అందజేశారు.వారు

మాట్లాడుతూ.. "మహిళలు ఆర్థికంగా స్వావలంబన సాధించాలనే లక్ష్యంతోనే ఈ శిక్షణ కార్యక్రమాన్ని చేపట్టాం. నేర్చుకున్న నైపుణ్యాలతో స్వయం ఉపాధి పొందుతూ కుటుంబానికి అండగా నిలవాలి" అని ఆకాంక్షించారు.

ఈ కార్యక్రమంలో యూత్ ఫర్ సేవా ప్రతినిధులు, వాలంటీర్లు, లబ్ధిదారులు పాల్గొన్నారు.