తుంగతుర్తి నియోజకవర్గ ప్రజల చిరకాల ఆకాంక్ష అయిన ఫైర్ స్టేషన్‌ను మంజూరు చేయించడంలో కీలక పాత్ర పోషించిన తుంగతుర్తి శాసనసభ్యులు మందుల సామేలుకు నియోజకవర్గ ప్రజల తరఫున, ముఖ్యంగా తుంగతుర్తి మండల ప్రజల తరఫున హృదయపూర్వక కృతజ్ఞతలు తెలియజేస్తున్నట్లు తుంగతుర్తి మార్కెట్ కమిటీ వైస్ చైర్మన్ చింతకుంట్ల వెంకన్న బీఎన్ తెలిపారు.తెలంగాణ రాష్ట్ర ముఖ్యమంత్రి ఏ. రేవంత్ రెడ్డిని ఒప్పించి, ఫైర్ స్టేషన్ ఫైల్‌పై ఆమోదం పొందేలా కృషి చేసిన ఎమ్మెల్యే మందుల సామేలుకు ప్రత్యేక ధన్యవాదాలు తెలిపారు. ఎన్నో ఏళ్లుగా ప్రజలు ఎదురుచూస్తున్న ఫైర్ స్టేషన్‌ను తుంగతుర్తికి తీసుకురావడం ప్రజల కల సాకారం చేసినట్లేనని అన్నారు.నియోజకవర్గ సమస్యలను ఎప్పటికప్పుడు అసెంబ్లీలో ప్రస్తావిస్తూ, అభివృద్ధి మరియు సంక్షేమ కార్యక్రమాల అమలుకు ఎమ్మెల్యే నిరంతరం కృషి చేస్తున్నారని వెంకన్న పేర్కొన్నారు. "మందుల సామేలు అంటే తుంగతుర్తి.. తుంగతుర్తి అంటే మందుల సామేలు" అనే స్థాయిలో ప్రజల మనసుల్లో ఆయన ప్రత్యేక స్థానం సంపాదించుకున్నారని అన్నారు.గతంలో తుంగతుర్తికి 100 పడకల ప్రభుత్వ ఆసుపత్రిని తీసుకురావడంలో కూడా ఎమ్మెల్యే కీలక పాత్ర పోషించారని గుర్తు చేశారు.ఎన్నికైన నాటి నుంచి నేటి వరకు అసెంబ్లీలో తుంగతుర్తి సమస్యలను నిరంతరం ప్రస్తావిస్తూ, వారంలో ఎక్కువ రోజులు నియోజకవర్గంలోనే ప్రజలకు అందుబాటులో ఉంటూ వారి కష్టసుఖాల్లో భాగస్వామిగా నిలుస్తున్న నాయకుడు మందుల సామేలేనని అన్నారు.కాంగ్రెస్ పార్టీ నాయకులు, కార్యకర్తలను సమన్వయం చేసుకుంటూ నియోజకవర్గ అభివృద్ధినే లక్ష్యంగా ముందుకు సాగుతున్న ఎమ్మెల్యేకు మరోసారి కృతజ్ఞతలు తెలియజేస్తున్నట్లు చింతకుంట్ల వెంకన్న బీఎన్ పేర్కొన్నారు. ఈ కార్యక్రమంలో కాంగ్రెస్ నాయకులు పాల్గొన్నారు