నల్గొండ పట్టణంలోని 41వ డివిజన్ పద్మావతి నగర్ కాలనీలో పార్కులో నిర్మించనున్న శ్రీ పద్మావతి సమేత శ్రీ వెంకటేశ్వర స్వామి దేవాలయం శంకుస్థాపన పూజా కార్యక్రమం భక్తి శ్రద్ధల మధ్య ఘనంగా జరిగింది.

ఈ కార్యక్రమంలో రాష్ట్ర రోడ్లు, భవనాలు & సినిమాటోగ్రఫీ శాఖ మంత్రి కోమటిరెడ్డి వెంకట్ రెడ్డి పాల్గొని ప్రత్యేక పూజలు నిర్వహించారు.

ఈ సందర్భంగా మంత్రి మాట్లాడుతూ, దేవాలయ నిర్మాణం ఆ ప్రాంత ప్రజల ఆధ్యాత్మిక భావాలను మరింత బలపరుస్తుందని తెలిపారు. సమాజంలో ఐక్యత, శాంతి, సౌభ్రాతృత్వం పెంపొందించడంలో ఇలాంటి ధార్మిక కేంద్రాలు కీలక పాత్ర పోషిస్తాయని పేర్కొన్నారు.

స్థానిక ప్రజాప్రతినిధులు, నాయకులు, భక్తులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.