నాలుగు నెలల గర్భవతి అయిన కుమార్తె కోసం తల్లిదండ్రుల ఆవేదన

నేరేడ్మెట్ పోలీస్ స్టేషన్ పరిధిలో మహిళతో పాటు 19 నెలల వయసుగల చిన్నారి అదృశ్యమైన ఘటన కలకలం రేపుతోంది.

ఈ ఘటనకు సంబంధించి ఆమె తల్లి పోలీసులకుఫిర్యాదుచేసింది.వివరాల్లోకి వెళ్తేనేరేడ్మెట్ వివేకానందపురానికి చెందిన పావళూరు రేణుక (47) తన కుమార్తె పావళూరు ఆర్తి (21) మరియు మనవరాలు చైత్రిక (19 నెలలు) కనిపించడం లేదంటూ నేరేడ్మెట్ పోలీసులకు ఫిర్యాదు చేశారు. ఆర్తి సాయినాథపురం లో నివాసం ఉంటోంది.

ఆర్తి ప్రకాశ్ అనే యువకుడి తో ప్రేమ వివాహం చేసుకుంది. వీరికి చైత్రిక అనే 19 నెలల ఆడబిడ్డ ఉంది. ప్రస్తుతం ఆర్తి నాలుగు నెలల గర్భవతి కావడం గమనార్హం.జనవరి 31వ తేదీ మధ్యాహ్నం 2.30 గంటల సమయంలో భర్తతో గొడవ జరిగిన అనంతరం ఆర్తి తల్లికి ఫోన్ చేసి సమాచారం ఇచ్చింది. ఆ సమయంలో తల్లి రేణుక ఇంట్లో లేకపోవడంతో తాను తిరిగి భర్త ఇంటికి వెళ్లిపోతానని ఆర్తి చెప్పినట్లు ఫిర్యాదులో ఆమె తల్లి పేర్కొన్నారు.

అయితే, ఆ తర్వాత ఆర్తి భర్త ఇంటికి తిరిగి చేరుకోలేదని, ఆమెతో పాటు చిన్నారి చైత్రిక కూడా కనిపించడంలేదని కుటుంబ సభ్యులు గుర్తించారు. బంధువులు, స్నేహితులు, తెలిసిన అన్ని చోట్లా వెతికినప్పటికీ ఎలాంటి సమాచారం లభించకపోవడంతో చివరకు నేరేడ్మెట్ పోలీసులను ఆశ్రయించారు.బాధితుల ఫిర్యాదు మేరకు నేరేడ్మెట్ పోలీసులు మహిళ మరియు బాలిక మిస్సింగ్ కేసుగా నమోదు చేసి దర్యాప్తు ప్రారంభించారు. కాల్ డీటెయిల్స్, సీసీటీవీ ఫుటేజీ ఆధారంగా పోలీసులు గాలింపు చర్యలు చేపట్టినట్లు సమాచారం.నాలుగు నెలల గర్భవతి అయిన కుమార్తెతో పాటు చిన్నారి ఆచూకీ తెలియకపోవడంతో కుటుంబ సభ్యులు తీవ్ర ఆందోళనకు గురవుతున్నారు.