నారాయణఖేడ్ మున్సిపాలిటీ ఎన్నికల ప్రక్రియలో భాగంగా రెండో రోజున ఎనిమిది నామినేషన్లు ఉపసంహరించుకున్నట్లు ఎన్నికల సహాయ అధికారి జే. జేగ్జీవన్ తెలిపారు. సోమవారం ఆయన మాట్లాడుతూ, ఫిబ్రవరి రెండో తేదీన మొత్తం ఎనిమిది మంది అభ్యర్థులు తమ నామినేషన్లను స్వచ్ఛందంగా ఉపసంహరించుకున్నారని వెల్లడించారు.వివరాల ప్రకారం కాంగ్రెస్ పార్టీ నుంచి మొత్తం ఏడు నామినేషన్లు ఉపసంహరించుకున్నారు. ఆరవ వార్డు నుంచి రెండు, ఎనిమిదో వార్డు నుంచి ఒకటి, తొమ్మిదో వార్డు నుంచి ఒకటి, పదకొండో వార్డు నుంచి ఒకటి, పదమూడు వార్డు నుంచి ఒకటి, పద్నాలుగో వార్డు నుంచి ఒక నామినేషన్ ఉపసంహరించుకున్నారు.భారత రాష్ట్ర సమితి పార్టీ నుంచి ఒక నామినేషన్ ఉపసంహరణ జరిగింది. ఏడవ వార్డు నుంచి ఒక అభ్యర్థి తన నామినేషన్‌ను ఉపసంహరించుకున్నట్లు తెలిపారు.నామినేషన్ల ఉపసంహరణ ప్రక్రియ శాంతియుతంగా పూర్తయ్యిందని, ఎన్నికల నిబంధనలను కట్టుదిట్టంగా అమలు చేస్తున్నట్లు ఎన్నికల సహాయ అధికారి తెలిపారు. తదుపరి దశలో తుది అభ్యర్థుల జాబితాను విడుదల చేసి, ఎన్నికల ప్రక్రియను సజావుగా నిర్వహించేందుకు అవసరమైన అన్ని ఏర్పాట్లు చేపడుతున్నట్లు ఆయన పేర్కొన్నారు.మున్సిపాలిటీ ఎన్నికలపై ప్రజల్లో ఆసక్తి నెలకొన్న నేపథ్యంలో, అధికారులు పారదర్శకంగా ఎన్నికలు నిర్వహించేందుకు అన్ని చర్యలు తీసుకుంటున్నట్లు తెలిపారు.