రామన్నపేట, : మండల కేంద్రంలోని నాగార్జున స్కూల్‌కు అంతర్జాతీయ స్థాయిలో ప్రతిష్టాత్మక గుర్తింపు లభించింది. మలేషియాలో నిర్వహించిన గ్లోబల్ బిజినెస్ సమ్మిట్-2026లో “మోస్ట్ ప్రామిసింగ్ స్కూల్ ఆఫ్ ది ఇయర్” అవార్డును స్కూల్ అందుకుంది.

గ్లోబల్ ట్రింఫ్ ఫౌండేషన్ మరియు బ్రిక్స్ ఏషియన్ బిజినెస్ ఆఫ్ కామర్స్ సంయుక్తంగా వైందం కలంగ్, మలేషియాలో ఈ సమ్మిట్ నిర్వహించారు. ఈ సందర్భంగా మలేషియా యూనివర్సిటీ ప్రొఫెసర్ చేతుల మీదుగా నాగార్జున స్కూల్ కరెస్పాండెంట్ డాక్టర్ నాగరాజు నకిరేకంటి అవార్డును స్వీకరించారు.

అదే కార్యక్రమంలో స్కూల్ ప్రిన్సిపల్ శ్రీమతి రేఖకు “బెస్ట్ ప్రిన్సిపల్ ఇన్ స్కూల్ ఎడ్యుకేషన్” అవార్డు లభించింది.

ఈ అవార్డులు అందుకోవడం పట్ల ఆనందం వ్యక్తం చేసిన నిర్వాహకులు, భవిష్యత్తులో విద్యా ప్రమాణాలను మరింత మెరుగుపరచేందుకు కృషి చేస్తామని తెలిపారు. స్కూల్ సిబ్బంది, మిత్రులు అభినందనలు తెలియజేశారు.