చిన్నారిని ఆశీర్వదించిన వట్టే జానయ్య యాదవ్, ప్రముఖులు పాల్గొన్నారు

హైదరాబాద్: నగరానికి సమీపంలోని మోహినాబాద్ ఫామ్ హౌస్‌లో టి ఆంజనేయులు కుటుంబానికి చెందిన మనవరాలి బారసాల మహోత్సవం ఆనందోత్సాహాల మధ్య ఘనంగా నిర్వహించారు. కుటుంబ సభ్యులు, బంధువులు, స్నేహితులు పెద్ద సంఖ్యలో హాజరై వేడుకను మరింత ప్రత్యేకంగా మార్చారు.

ఈ కార్యక్రమానికి తెలంగాణ రాజ్యాధికార పార్టీ రాష్ట్ర ప్రధాన కార్యదర్శి వట్టే జానయ్య యాదవ్ ముఖ్య అతిథిగా హాజరై చిన్నారిని ఆశీర్వదించారు. ఈ సందర్భంగా ఆయన మాట్లాడుతూ చిన్నారి ఆయురారోగ్యాలతో, సుఖసంతోషాలతో ఎదగాలని ఆకాంక్షించారు. కుటుంబ సభ్యులకు అభినందనలు తెలియజేసి ఇలాంటి శుభకార్యాలు ఇంటింటా ఆనందాన్ని నింపుతాయని అన్నారు.