నల్గొండ జిల్లా చిట్యాల మండలం పెద్దకాపర్తి గ్రామంలోని జిల్లా పరిషత్ ఉన్నత పాఠశాలలో మండల స్థాయి సీఎం కప్ క్రీడా పోటీలు ఘనంగా ప్రారంభమయ్యాయి. ఈ కార్యక్రమానికి చిట్యాల సర్పంచుల ఫోరం అధ్యక్షులు కాటం వెంకటేశం ముఖ్య అతిథిగా హాజరై క్రీడా జ్యోతి ప్రజ్వలన చేసి పోటీలను ప్రారంభించారు.ఈ సందర్భంగా ఆయన మాట్లాడుతూ క్రీడలు మానసిక, శారీరక ఉల్లాసాన్ని కలిగిస్తాయని, యువత, విద్యార్థులు చెడు అలవాట్లకు దూరంగా ఉండటానికి క్రీడలు ఎంతగానో దోహదపడతాయని అన్నారు. సీఎం కప్ క్రీడల్లో ఆటగాళ్లు తమ ప్రతిభను ప్రదర్శించి చిట్యాల మండలాన్ని ప్రథమ స్థానంలో నిలబెట్టాలని ఆకాంక్షించారు.

ఈ కార్యక్రమంలో పాఠశాల ప్రధానోపాధ్యాయులు, పంచాయతీ కార్యదర్శి గౌతమ్ రెడ్డి, ఉప సర్పంచ్ ఓర్సు సైదులు, వార్డ్ సభ్యులు కురు యాదయ్య, నీలకంఠ లింగస్వామి, సాగర్ల నాగరాజు పాల్గొన్నారు. అలాగే వివిధ పాఠశాలల నుంచి వచ్చిన వ్యాయామ ఉపాధ్యాయులు, యువత, విద్యార్థులు పెద్ద సంఖ్యలో హాజరై క్రీడా పోటీలను ఉత్సాహంగా తిలకించారు.