నారాయణఖేడ్ నియోజకవర్గం, నారాయణఖేడ్ మండలం అక్లైతండ గ్రామ పంచాయతీలో వారం రోజులుగా ఘనంగా నిర్వహిస్తున్న తీజ్ పండుగ వేడుకల్లో పీసీసీ సభ్యులు కే. శ్రీనివాస్ పాల్గొన్నారు. ఈ సందర్భంగా భవానీమాత, సేవాలాల్ మహారాజ్ ఆలయాలను దర్శించుకుని ప్రత్యేక పూజలు నిర్వహించారు. అనంతరం తీజ్ వేడుకలను తిలకించారు. యువతులు సంప్రదాయ పద్ధతిలో పూజలు నిర్వహిస్తూ, నృత్యాలతో సందడి చేశారు. తీజ్ పండుగ బంజారా గిరిజనుల సంస్కృతి, సంప్రదాయాలు, ప్రకృతి ఆరాధనకు ప్రతీకగా నిలుస్తుందని కే. శ్రీనివాస్ తెలిపారు. ఈ కార్యక్రమంలో తండా సర్పంచ్ సురేష్ నాయక్, మాజీ సర్పంచ్ మారుతి నాయక్, చాప్టా కె ఉపసర్పంచ్ బస్వరాజ్, మాజీ ఉపసర్పంచ్ నారాయణ రెడ్డి, తండా పెద్దలు, గ్రామస్తులు తదితరులు పాల్గొన్నారు.