మినిస్టర్స్ క్వార్టర్స్‌లో బోకేలు అందజేసిన ప్రజాప్రతినిధులు
మేయర్ చైతన్య శ్రీనివాస్‌రెడ్డి ఆధ్వర్యంలో జన్మదిన శుభాకాంక్షలు
రాష్ట్ర రోడ్లు, భవనాలు మరియు సినిమాటోగ్రఫీ శాఖ మంత్రి కోమటిరెడ్డి వెంకట్ రెడ్డి పుట్టినరోజు సందర్భంగా శనివారం హైదరాబాద్‌లోని మినిస్టర్స్ క్వార్టర్స్‌లో శుభాకాంక్షల వెల్లువ కొనసాగింది.
నల్గొండ మున్సిపల్ కార్పొరేషన్ మేయర్ శ్రీమతి బుర్రి చైతన్య శ్రీనివాస్‌రెడ్డి మంత్రిని కలిసి బోకే అందజేసి జన్మదిన శుభాకాంక్షలు తెలిపారు. ఈ కార్యక్రమంలో డిప్యూటీ మేయర్ మహమ్మద్ అష్రఫ్ అలీ అమేర్, మాజీ మున్సిపల్ చైర్మన్ బుర్రి శ్రీనివాస్‌రెడ్డి, పలువురు కార్పొరేటర్లు, మాజీ కౌన్సిలర్లు పాల్గొన్నారు.
అదేవిధంగా ఉమ్మడి నల్గొండ జిల్లాకు చెందిన పలువురు ప్రజాప్రతినిధులు, మాజీ ప్రజాప్రతినిధులు, పార్టీ నాయకులు, కార్యకర్తలు మంత్రిని కలిసి బోకేలు అందజేసి పుట్టినరోజు శుభాకాంక్షలు తెలియజేశారు.
పాఠకుల అభిప్రాయాలు
ఇప్పటివరకు ఎలాంటి కామెంట్స్ పోస్ట్ చేయలేదు.
కామెంట్‌ను పోస్ట్ చేయండి