హైదరాబాద్‌: దివంగత ముఖ్యమంత్రి వైఎస్ రాజశేఖర్ రెడ్డి సతీమణి వైఎస్ విజయమ్మను, ఆంధ్రప్రదేశ్ రాష్ట్ర కాంగ్రెస్ పార్టీ అధ్యక్షురాలు వైయస్ షర్మిల రెడ్డిని తెలంగాణ మంత్రి బట్టి విక్రమార్క మర్యాద పూర్వకంగా కలిసి తన కుమారుడు సూర్య విక్రమాదిత్య వివాహానికి ఆహ్వానించారు.

వచ్చే నెల 5వ తేదీన హైదరాబాద్‌లో జరగనున్న వివాహ వేడుకకు విచ్చేసి నూతన వధూవరులను ఆశీర్వదించాలని కోరుతూ, వారికి స్వయంగా వివాహ ఆహ్వాన పత్రికను అందజేశారు. ఈ సందర్భంగా పరస్పరం శుభాకాంక్షలు తెలియజేసుకుని సౌహార్ద వాతావరణంలో భేటీ కొనసాగింది.

వివాహ వేడుకకు రాజకీయ, సామాజిక రంగాలకు చెందిన పలువురు ప్రముఖులు హాజరుకానున్నట్లు తెలిసింది.