రామన్నపేట : మండలంలోని సిరిపురం గ్రామంలో చేనేత సహకార సంఘం భవనం వద్ద చేనేత కార్మికుల కోసం నిర్వహించిన మెగా ఉచిత వైద్య శిబిరం విజయవంతంగా ముగిసింది. ఈ వైద్య శిబిరాన్ని సిరిపురం గ్రామ సర్పంచ్ అంబటి ఉపేంద్ర రవీందర్ రెడ్డి, ఎల్లంకి గ్రామ సర్పంచ్ ఇడెం రాధా శ్రీనివాస్ ప్రారంభించారు.

శిబిరంలో మొత్తం 111 మందికి వైద్య పరీక్షలు నిర్వహించి, అవసరమైన మందులను ఉచితంగా పంపిణీ చేశారు. గ్రామ ప్రజలు, చేనేత కార్మికులు పెద్ద సంఖ్యలో పాల్గొని సేవలను వినియోగించుకున్నారు.

ఈ కార్యక్రమంలో ఉప సర్పంచ్ మూడు దొడ్ల అనుషా రమేష్, సొసైటీ డైరెక్టర్ గుండు రాజు తదితరులు పాల్గొన్నారు.