“మన బడి మన బాధ్యత సర్పంచ్ కునూరు సాయికుమార్ గౌడ్

రామన్నపేట స్థానికం ప్రతినిధి :

రామన్నపేట మండలంలోని బోగారం గ్రామంలో

గ్రామ ప్రభుత్వ పాఠశాలను కాపాడి అభివృద్ధి చేయాలనే సంకల్పంతో గ్రామ సర్పంచ్ కునూరు సాయికుమార్ గౌడ్ ఆధ్వర్యంలో ప్రత్యేక కార్యక్రమానికి శ్రీకారం చుట్టారు. “మన ఊరు – మన బడి” అనే నినాదంతో గ్రామస్తుల సహకారం కోరుతూ పాఠశాల అభివృద్ధికి పిలుపునిచ్చారు.

పాఠశాలను ఆకర్షణీయంగా మార్చేందుకు పెయింటింగ్, మహనీయుల చిత్రపటాలు, విద్యకు సంబంధించిన బొమ్మలు వేయించాలనే లక్ష్యంతో దాతలను ఆహ్వానిస్తున్నారు. చిత్రపటాలు వేయించిన దాతల పేర్లు వాటి కింద నమోదు చేయనున్నట్లు తెలిపారు.

గ్రామ ప్రజలు ప్రైవేట్ పాఠశాలలకు కాకుండా ప్రభుత్వ పాఠశాలకు పిల్లలను చేర్పించి పాఠశాల అస్తిత్వాన్ని కాపాడాలని విజ్ఞప్తి చేశారు. ఈ ఏడాది ఉపాధ్యాయులతో పాటు ఇద్దరు విద్యా వాలంటీర్లను నియమించనున్నట్లు, వారి వేతనాల కోసం దాతలు ముందుకు రావాలని కోరారు.

పాఠశాల అభివృద్ధి కోసం సహకరించదలిచిన వారు వాట్సాప్ గ్రూప్ ద్వారా లేదా నేరుగా సర్పంచ్‌ను సంప్రదించాలని సూచించారు.