స్థానిక ప్రతినిధి

నూతన సంవత్సరం సందర్భంగా తెలుగుదేశం పార్టీ ఆధ్వర్యంలో ఘనంగా శుభాకాంక్షల కార్యక్రమం నిర్వహించారు. పెద్ద ఎత్తున పార్టీ నాయకులు, కార్యకర్తలు, ప్రజలు పాల్గొని ఉత్సాహంగా వేడుకలు జరిపారు. ఈ సందర్భంగా తెలుగుదేశం పార్టీ సీనియర్ నాయకుడు, మార్కెట్ యార్డ్ మాజీ చైర్మన్ మదిరే భాస్కర్ రెడ్డి నూతన సంవత్సర శుభాకాంక్షలు తెలిపారు.

భాస్కర్ రెడ్డి మాట్లాడుతూ కొత్త ఏడాది ప్రతి ఒక్కరి జీవితాల్లో కోటి కాంతులు విరజిల్లాలని, అందరూ బంగారు భవిష్యత్తు దిశగా అడుగులు వేయాలని ఆకాంక్షించారు. రాష్ట్ర ప్రజలకు, ఆదోని నియోజకవర్గ ప్రజలకు, ముఖ్యంగా గ్రామీణ ప్రాంత వాసులకు, అలాగే సమస్త తెలుగు ప్రజలకు నూతన సంవత్సర శుభాకాంక్షలు తెలియజేశారు.

ఈ కార్యక్రమంలో తెలుగుదేశం పార్టీ సీనియర్ నాయకులు, కార్యకర్తలు పెద్ద సంఖ్యలో పాల్గొని వేడుకలను విజయవంతం చేశారు.