తిరుమలగిరి మున్సిపాలిటీ ఎన్నికల ప్రచారంలో బిఆర్ఎస్ అభ్యర్థి ఇంటింటి ప్రచారం

తిరుమలగిరి మున్సిపాలిటీ ఎన్నికల ప్రచారంలో భాగంగా బుధవారం బిఆర్ఎస్ పార్టీ 12వ వార్డు కౌన్సిలర్ అభ్యర్థి కందుకూరి గీత బాబు ఇంటింటి ప్రచారం నిర్వహించారు. ఈ సందర్భంగా కారు గుర్తుకు ఓటు వేసి అత్యధిక మెజార్టీతో గెలిపించాలని ఓటర్లను కోరారు.తనను గెలిపిస్తే వార్డును అన్ని రంగాల్లో అభివృద్ధి చేసి చూపిస్తానని ప్రజలకు హామీ ఇచ్చారు. తాగునీరు, పారిశుధ్యం, రహదారులు, మౌలిక సదుపాయాల కల్పనకు ప్రాధాన్యత ఇస్తానని తెలిపారు. ప్రజల సమస్యలను నేరుగా తెలుసుకొని వెంటనే పరిష్కరించేందుకు కృషి చేస్తానని అన్నారు.ఈ ఇంటింటి ప్రచార కార్యక్రమంలో పార్టీ నాయకులు, కార్యకర్తలు పాల్గొని అభ్యర్థికి మద్దతుగా నినాదాలు చేశారు. ఎన్నికల్లో బిఆర్ఎస్ విజయం సాధిస్తుందని నాయకులు ధీమా వ్యక్తం చేశారు.