నకిరేకల్,: నల్గొండ జిల్లా నకిరేకల్ మండలం కొరటికల్ గ్రామంలో యాదవుల కులదైవమైన శ్రీ శ్రీ శ్రీ గంగాదేవి ఐదవ మహోత్సవ పండుగను భక్తిశ్రద్ధలతో ఘనంగా నిర్వహించారు. గ్రామంలోని యాదవ కులస్తులు పెద్ద సంఖ్యలో పాల్గొని బోనాలు, భజనలు, కళ్యాణ కార్యక్రమాలతో అమ్మవారిని వేడుకున్నారు.

భక్తులు గంగాదేవిని ప్రార్థిస్తూ పంటలు, పశువులు, కుటుంబాలు సుఖసంతోషాలతో ఉండాలని మొక్కులు పెట్టుకున్నారు. మహిళలు, యువకులు భక్తి గీతాలు పాడుతూ భజనలు చేయడంతో గ్రామంలో పండుగ వాతావరణం నెలకొంది.

ఈ సందర్భంగా పెద్ద గొల్ల భీమనబోయిన లింగయ్య యాదవ్, సారగొల్ల నల్లమాద నాగేష్ యాదవ్ మాట్లాడుతూ గంగాదేవి ఆశీస్సులతో గ్రామ ప్రజలందరూ సుభిక్షంగా ఉండాలని కోరుకున్నారు.

ఈ వేడుకల్లో గ్రామ సర్పంచ్ బంటు రవి, మాజీ ఎంపీటీసీ శ్రీలత కొండయ్య, భీమనబోయిన యాదగిరి యాదవ్, శంకర్ యాదవ్, అంజయ్య యాదవ్, గుండబోయిన దశరథ యాదవ్, దొడ్డబోయిన రాములు యాదవ్, ముచ్చబోయిన వెంకన్న యాదవ్ తదితరులు పాల్గొన్నారు.