ముగిసిన మున్సిపల్ ప్రచార పర్వం.. చివరి రోజు హోరెత్తిన ప్రచారం......

కోదాడ మున్సిపాలిటీలో ఎన్నికల ప్రచార పర్వం సోమవారంతో ముగిసింది. చివరి రోజైన నేడు పట్టణంలోని అన్ని వార్డుల్లో ప్రచారం హోరెత్తింది. బ్యాండ్ బాజాలు, డప్పు చప్పుళ్లు, యువత కేరింతల మధ్య అభ్యర్థులు భారీ ర్యాలీలు నిర్వహించారు. ప్రధాన పార్టీలైన కాంగ్రెస్, బీఆర్‌ఎస్, బీజేపీ, స్వతంత్ర అభ్యర్థులు తమ మద్దతుదారులతో కలిసి వీధుల్లో సందడి చేశారు. ఓటర్లను ఆకర్షించేందుకు అభ్యర్థులు స్వయంగా కార్యకర్తలతో కలిసి స్టెప్పులేయడం ప్రత్యేక ఆకర్షణగా నిలిచింది. రేపు విరామం అనంతరం, బుధవారం ఉదయం నుంచే పోలింగ్ ప్రారంభం కానుంది.......