మున్సిపల్ ఎన్నికల నేపథ్యంలో నారాయణఖేడ్ మున్సిపాలిటీలో బిఆర్ఎస్ పార్టీ విస్తృతంగా ఇంటింటి ప్రచారం నిర్వహిస్తూ ప్రజల్లో ఉత్సాహాన్ని నింపుతోంది. ఈ ప్రచారంలో భాగంగా 11వ, 14వ వార్డులలో మాజీ ఎమ్మెల్యే భూపాల్ రెడ్డి,మాజీ జడ్పీ చైర్మన్ మంజుశ్రీ జయపాల్ రెడ్డి పాల్గొని ఇంటింటికి వెళ్లి ప్రజలను కలుసుకుని కారు గుర్తుకు ఓటు వేయాలని కోరారు.ప్రచార సమయంలో ప్రజలతో నేరుగా మాట్లాడి బిఆర్ఎస్ ప్రభుత్వం హయాంలో నారాయణఖేడ్ పట్టణంలో జరిగిన అభివృద్ధి పనులను గుర్తు చేశారు.బిఆర్ఎస్ పార్టీ మాటలకే కాదు, పనులకు కట్టుబడి పనిచేసిన పార్టీ అని ప్రజలకు వివరించారు.11వ వార్డు అభ్యర్థిగా – వర్ష నగేష్ (కారు గుర్తు),14వ వార్డు అభ్యర్థిగా – అమ్రిన్ ముజామిల్ (కారు గుర్తు)వారికి ఓటు వేసి భారీ మెజార్టీతో గెలిపించాలని ప్రజలను విజ్ఞప్తి చేశారు.ఈ సందర్భంగా భూపాల్ రెడ్డి మాట్లాడుతూ –

తాను ఎమ్మెల్యేగా ఉన్న కాలంలో నారాయణఖేడ్ పట్టణంలో గల్లీ గల్లీకి సీసీ రోడ్లు వేసి రవాణా సమస్యలను శాశ్వతంగా పరిష్కరించామని తెలిపారు. ప్రతి ఇంటికి నల్లా కనెక్షన్లు ఇచ్చి తాగునీటి ఇబ్బందులు లేకుండా చేశామని చెప్పారు. అభివృద్ధి అనేది కేవలం హామీల్లో కాకుండా పనుల్లో కనిపించాలన్నదే బిఆర్ఎస్ విధానమని స్పష్టం చేశారు.అలాగే నారాయణఖేడ్ పట్టణానికి 100 పడకల ఆసుపత్రి మంజూరు చేసి ప్రజలకు మెరుగైన వైద్య సేవలు అందుబాటులోకి తెచ్చామని తెలిపారు. ఆక్సిజన్ పార్క్ ఏర్పాటు చేసి కోవిడ్ వంటి కష్టకాలంలో ప్రజల ప్రాణాలను కాపాడేందుకు బిఆర్ఎస్ ప్రభుత్వం ముందుండి పనిచేసిందని గుర్తు చేశారు.మున్సిపల్ ఎన్నికల్లో బిఆర్ఎస్ గెలిస్తే పట్టణ అభివృద్ధి మరింత వేగంగా కొనసాగుతుందని, డ్రైనేజీ, రోడ్లు, తాగునీరు, పారిశుధ్యం వంటి సమస్యలకు శాశ్వత పరిష్కారాలు చూపుతామని తెలిపారు.ప్రజల ఆశీర్వాదంతో మరోసారి నారాయణఖేడ్‌ను అభివృద్ధి పథంలో ముందుకు తీసుకెళ్లడమే లక్ష్యమని చెప్పారు.ప్రజలంతా అభివృద్ధిని చూసి, గత పనులను గుర్తు పెట్టుకుని కారు గుర్తుకు ఓటు వేసి బిఆర్ఎస్ అభ్యర్థులను భారీ మెజార్టీతో గెలిపించాలని పిలుపునిచ్చారు.