రెడ్ హౌస్‌లో ఘనంగా చేరికలు

సూర్యాపేట జిల్లా స్థానికం ప్రతినిధి బిక్షం

జిల్లా కాంగ్రెస్ పార్టీ కార్యాలయం రెడ్ హౌస్‌లో నిర్వహించిన కార్యక్రమంలో బిఆర్ఎస్ పార్టీకి చెందిన నాయకుడు గంగా లింగారెడ్డి కాంగ్రెస్ పార్టీలో చేరారు. వ్యవసాయ మార్కెట్ కమిటీ చైర్మన్ కొప్పుల వేణారెడ్డి సమక్షంలో ఆయనకు కాంగ్రెస్ పార్టీ కండువా కప్పి పార్టీలోకి ఆహ్వానించారు. ఈ సందర్భంగా కాంగ్రెస్ పార్టీ విధానాలు, ప్రజల పక్షాన చేపడుతున్న కార్యక్రమాలు నచ్చి కాంగ్రెస్ పార్టీలో చేరుతున్నట్టు గంగా లింగారెడ్డి తెలిపారు. కాంగ్రెస్ పార్టీని మరింత బలోపేతం చేసేందుకు కృషి చేస్తామని పేర్కొన్నారు. ఈ కార్యక్రమంలో యువజన కాంగ్రెస్ నాయకుడు నెల్లుట్ల లింగాస్వామి, కాంగ్రెస్ పార్టీ నాయకులు మొండికత్తి వెంకటేశ్వర్లు, జూలకంటి నాగేందర్ రెడ్డి తదితరులు పాల్గొన్నారు.