జగిత్యాల జిల్లాలో ఆదివారం మధ్యాహ్నం స్వల్ప భూకంపం సంభవించి స్థానిక ప్రజల్లో కొంతసేపు భయాందోళన నెలకొంది. జిల్లా పరిధిలోని కథలాపూర్ మండలంలో మధ్యాహ్నం సుమారు 12:45 గంటల సమయంలో భూమి సుమారు 2 సెకన్ల పాటు కంపించినట్లు స్థానికులు తెలిపారు.భూమి కంపించిన సమయంలో పెద్ద శబ్దం కూడా వినిపించడంతో ప్రజలు ఒక్కసారిగా భయపడిపోయారు.ఏమి జరుగుతుందో అర్థం కాక ప్రజలు వెంటనే తమ ఇళ్ల నుంచి బయటకు పరుగులు తీశారు. కొంతసేపు గ్రామాల్లో ఉద్రిక్త వాతావరణం నెలకొంది.అయితే ఈ ఘటనలో ఎలాంటి ప్రాణనష్టం లేదా ఆస్తినష్టం జరిగినట్లు ఇప్పటివరకు సమాచారం లేదు.భూకంపం తీవ్రత ఎంతగా ఉంది? దానికి గల కారణాలు ఏమిటి? అనే విషయాలపై అధికారులు ఇంకా స్పష్టత ఇవ్వాల్సి ఉంది.ఈ ఘటనతో స్థానిక ప్రజలు భయాందోళనకు గురయ్యారు. సంబంధిత అధికారులు పరిస్థితిని పరిశీలించి పూర్తి వివరాలను వెల్లడించనున్నట్లు సమాచారం.