గట్టుప్పల్ మండల కాంగ్రెస్ పార్టీ అధ్యక్షుడిగా తెరట్‌పల్లి మాజీ సర్పంచ్ వీరమల్ల శ్రీశైలం గౌడ్ నియమితులయ్యారు. మునుగోడు ఎమ్మెల్యే కోమటిరెడ్డి రాజగోపాల్ రెడ్డి ఆదేశాల మేరకు జిల్లా కాంగ్రెస్ కమిటీ (డీసీసీ) అధ్యక్షుడు పున్న కైలాస్ ఈ నియామక ఉత్తర్వులు జారీ చేశారు.​ఈ సందర్భంగా శ్రీశైలం గౌడ్ మాట్లాడుతూ.. తనపై నమ్మకంతో బాధ్యతలు అప్పగించిన ఎమ్మెల్యే కోమటిరెడ్డి రాజగోపాల్ రెడ్డికి, డీసీసీ అధ్యక్షుడికి కృతజ్ఞతలు తెలిపారు. ఎమ్మెల్యే సహకారంతో ప్రజా సమస్యల పరిష్కారానికి, పార్టీ బలోపేతానికి నిరంతరం కృషి చేస్తానని ఆయన పేర్కొన్నారు. శ్రీశైలం గౌడ్ నియామకం పట్ల మండల కాంగ్రెస్ నాయకులు, కార్యకర్తలు హర్షం వ్యక్తం చేస్తూ శుభాకాంక్షలు తెలిపారు.