హైదరాబాద్: బిఆర్‌ఎస్ పార్టీ కొత్తపేట డివిజన్ అధ్యక్షుడు లింగాల రాహుల్ గౌడ్ జన్మదిన వేడుకలు మంగళవారం డివిజన్‌లో అట్టహాసంగా జరిగాయి. భారీ క్రేన్ సహాయంతో విశాల గజమాల వేసి అభిమానులు, పార్టీ నాయకులు ఘనంగా సత్కరించారు.

జన్మదిన వేడుకల్లో భాగంగా కేక్ కట్ చేసి శుభాకాంక్షలు తెలియజేయడంతో పాటు శాలువాలు కప్పి ఘనంగా సన్మానించారు. ఈ సందర్భంగా పలువురు నాయకులు మాట్లాడుతూ రాహుల్ గౌడ్ ప్రజా సేవా కార్యక్రమాలను కొనియాడారు. ప్రజలకు మరింత సేవ చేస్తూ రాజకీయంగా ఉన్నత స్థాయికి ఎదగాలని ఆకాంక్షించారు.

వేడుకలకు పెద్ద సంఖ్యలో కార్యకర్తలు, అభిమానులు హాజరై జన్మదిన శుభాకాంక్షలు తెలియజేశారు. నినాదాలు, పూల వర్షంతో కార్యక్రమం సందడిగా సాగింది.