ఈ నెల రెండవ వారంలో ముఖ్యమంత్రి చేతుల మీదుగా ప్రారంభం : జిల్లా కలెక్టర్ తేజస్ నంద్ లాల్ పవార్

హుజుర్నగర్ నియోజకవర్గ కేంద్రంలోని రామస్వామి గుట్ట వద్ద నూరిపది ఎకరాల విస్తీర్ణంలో నిర్మిస్తున్న రెండు వేల ఒక వంద అరవై ఇందిరమ్మ ఇళ్ల మోడల్ కాలనీని ఈ నెల రెండవ వారంలో రాష్ట్ర ముఖ్యమంత్రి రేవంత్ రెడ్డి చేతుల మీదుగా ప్రారంభించనున్నట్లు జిల్లా కలెక్టర్ తేజస్ నంద్ లాల్ పవార్ తెలిపారు.మంగళవారం హుజుర్నగర్ నియోజకవర్గ కేంద్రంలోని రామస్వామి గుట్ట వద్ద నిర్మిస్తున్న మోడల్ కాలనీని జిల్లా కలెక్టర్ పరిశీలించారు. ఇందిరమ్మ ఇళ్ల బ్లాకులు, అంతర్గత రహదారులు, సభాస్థలి, మొక్కల నాటకం, వాహనాల నిల్వ స్థలం తదితర పనులను పరిశీలించి పెండింగ్‌లో ఉన్న పనులను త్వరగా పూర్తి చేయాలని సంబంధిత శాఖల అధికారులను ఆదేశించారు.

లబ్ధిదారుల ఎంపిక ప్రక్రియ పూర్తిగా పారదర్శకంగా ఉండాలని కలెక్టర్ స్పష్టం చేశారు. అర్హత లేని వారి పేర్లు జాబితాలో ఉండకూడదని, నిజమైన అర్హులైన వారికి మాత్రమే ప్రాధాన్యం ఇవ్వాలని సూచించారు. ప్రతి దరఖాస్తును సూక్ష్మంగా పరిశీలించి ఎటువంటి అవకతవకలకు తావు లేకుండా ఈ ప్రక్రియ కొనసాగుతున్నట్లు తెలిపారు. ఈ కార్యక్రమంలో గృహ నిర్మాణ శాఖ ప్రాజెక్టు అధికారి సిద్ధార్థ, ఉద్యాన శాఖ ప్రాజెక్టు అధికారి నాగయ్య, రెవెన్యూ విభాగాధికారి శ్రీనివాసులు, మిషన్ భగీరథ కార్యనిర్వాహక ఇంజినీరు కరుణాకర్ రెడ్డి, మున్సిపల్ కమిషనర్ శ్రీనివాస్, తహసీల్దార్ కవిత, ఇతర జిల్లా అధికారులు తదితరులు పాల్గొన్నారు.