నారాయణఖేడ్ నియోజకవర్గంలో హంగీర్గా (కె) గ్రామంలో తెలంగాణ రక్షణ సేన టీఆర్ఎస్ పార్టీ జెండా ఆవిష్కరణ కార్యక్రమం ఘనంగా నిర్వహించారు. నారాయణఖేడ్ మండల పరిధిలోని హంగీర్గా (కె) గ్రామంలో నారాయణఖేడ్ నియోజకవర్గ ఇంచార్జ్ బాపుమల్ శెట్టి ఆధ్వర్యంలో పార్టీ జెండాను ఎగురవేశారు. నారాయణఖేడ్ అబ్జర్వర్ శివశంకర్ పాటిల్ సమక్షంలో జరిగిన ఈ కార్యక్రమంలో గ్రామ ప్రజలు, పార్టీ కార్యకర్తలు భారీ సంఖ్యలో పాల్గొన్నారు. ఈ సందర్భంగా నాయకులు మాట్లాడుతూ రాష్ట్ర అధ్యక్షురాలు కవితమ్మ ఆదేశాల మేరకు మే 20 నుంచి జూన్ 20 వరకు ప్రతి గ్రామంలో జెండా పండుగ కార్యక్రమాలను నిర్వహిస్తున్నామని తెలిపారు. పార్టీ అధికారంలోకి వస్తే ప్రజలకు ఉచిత వైద్యం, ఉచిత విద్య, రైతులకు ఉచిత కరెంట్ అందించడంతో పాటు తెలంగాణ ఉద్యమకారులను ఆదుకుంటామని హామీ ఇచ్చారు. పార్టీ బలోపేతానికి ప్రతి కార్యకర్త కృషి చేయాలని పిలుపునిచ్చారు. ఈ కార్యక్రమంలో మాణిక్యం, భాస్కర్ రెడ్డి, ప్రవీణ్ రెడ్డి, శ్రీశైలం, ధీరజ్, ప్రశాంత్, కిషన్ సింగ్, వైద్యనాథ్, సోమనాథ్, రామన్న, విట్టల్, శంకర్, చెన్నప్ప, శివకుమార్, మొతిరాం, హరిసింగ్, రమేష్, గణపతి, తుకారం, సుభాష్, గురప్ప, దావీదు, సాయిలు, స్వామిదాస్, రాజు, నర్సింలు, ఏసప్ప తదితరులు పాల్గొన్నారు. కార్యక్రమం ఉత్సాహభరిత వాతావరణంలో కొనసాగింది.