తెలంగాణ రాష్ట్ర పోలీస్ శాఖ ఆధ్వర్యంలో నిర్వహిస్తున్న “ఆర్ యు & ఏ లివ్” అవగాహన కార్యక్రమంలో భాగంగా రోడ్డు భద్రతపై ప్రత్యేక చైతన్యం కల్పిస్తున్నారు. ఈ నేపథ్యంలో యాదగిరిగుట్టకు చెందిన సీఐ ఎలగొండ కృష్ణ కుమారుడు ఎలగొండ రూమీన్ సాయి (8వ తరగతి) హెల్మెట్ ప్రాముఖ్యతపై ఏఐ టెక్నాలజీతో ఒక వినూత్న పాట రూపొందించాడు.

ఈ పాటను భువనగిరి ట్రాఫిక్ డివిజన్ డీఎస్పీ ప్రభాకర్ రెడ్డి ఆవిష్కరించి, పాట ఎంతో ప్రభావవంతంగా ఉందని ప్రశంసించారు. అలాగే రూమీన్ సాయిని అభినందిస్తూ సన్మానించారు.

ఈ కార్యక్రమంలో యాదగిరిగుట్ట ట్రాఫిక్ సీఐ ఎలగొండ కృష్ణ, భువనగిరి ట్రాఫిక్ సీఐ మధుసూదన్ తదితరులు పాల్గొన్నారు.

రోడ్డు భద్రతపై యువతలో చైతన్యం పెంపొందించేందుకు ఇలాంటి కార్యక్రమాలు ఎంతో ఉపయోగపడతాయని అధికారులు తెలిపారు.