తుంగతుర్తి మండలం గొట్టిపర్తి గ్రామ పంచాయతీ ఆవరణంలో గురువారం నాడు 2024 -25 సంవత్సరానికి సంబంధించిన ఉపాధి హామీ పనులపై సమీక్ష సమావేశం నిర్వహించడం జరిగింది. ఈ సమావేశానికి ముఖ్యఅతిథిగా గ్రామ సర్పంచ్ చిలుకల మంజుల వెంకన్న పాల్గొని మాట్లాడుతూ... ఉపాధి హామీ జాబ్ కార్డు కలిగిన ప్రతి ఒక్కరు ఉపాధి హామీ పనులను సద్వినియోగం చేసుకోవాలని అన్నారు. వేసవి దృష్ట్యా ఉంచుకొని ఉదయం పూటనే తమ పనులను ముగించుకొని ఉపాధి హామీ పనులకు వెళ్లాలని సూచించారు. ఉపాధి కూలీలకు వెంట వెంటనే పేమెంట్ చేయాలని, ఉపాధి హామీ పని జరిగేటప్పుడు కూలీలకు సౌకర్యం కల్పించాలని ఉపాధి హామీ అధికారులకు కోరారు. ఈ కార్యక్రమంలో పంచాయతీ కార్యదర్శి శ్రీధర్, ఏపీవో కృష్ణ, టి ఏ సురేష్, ఫీల్డ్ అసిస్టెంట్ కరుణ, వార్డు సభ్యులు, గ్రామస్తులు పాల్గొన్నారు.