తుంగతుర్తి మండలం గొట్టిపర్తి గ్రామంలో జిల్లా పరిషత్ ఉన్నత పాఠశాలలో ఈ విద్యా సంవత్సరం విశేషణ స్పందన రావడంతో ఉపాధ్యాయుల బృందం విద్యార్థులు బుధవారం నాడు వినూత్న కార్యక్రమం నిర్వహించి సంబరాలు చేసుకున్నారు. పాఠశాలలో గత ఏడాది మొత్తం విద్యార్థులు 79 మంది విద్యార్థులు ఉండగా, ఈ సంవత్సరం 10వ తరగతిలో 16 మంది ఉత్తీర్ణులై ఉన్నత విద్యలో ప్రవేశించారు. ఈ ఏడాది వేసవి కాలంలో ప్రధానోపాధ్యాయులు, ఉపాధ్యాయులు కలిసి

ఎరటుఎండలో లెక్కచేయకుండా ఉపాధ్యాయులు బృందం గ్రామంలో ప్రభుత్వం చేపట్టినబడిబాట కార్యక్రమం నిర్వహించారు. ప్రతి ఇంటికి వెళ్లి ప్రభుత్వ పాఠశాలలో ప్రభుత్వం విద్యార్థులకు కల్పించిన వసతులు గురించి వివరించి, అనుభవ అయినా ఉపాధ్యాయులు ఉన్నారని మా పాఠశాలకు పంపిస్తే క్రమశిక్షణతో విద్యార్థులకు చక్కటి విద్యను అందించి ప్రయోజకులను చేస్తామని తల్లిదండ్రులకు భరోసా కల్పించారు. ఈ నేపథ్యంలో జూన్ నెలలో పాఠశాల ప్రారంభమైనప్పటి నుంచి ఇప్పటివరకు 40 మంది విద్యార్థులు చేరారు. ప్రాథమిక పాఠశాల నుంచి 17 మంది, వివిధ ప్రైవేట్ పాఠశాల నుంచి 23 మందిచేరారు. దీంతో పాఠశాలో మొత్తం 103 మంది తిరుగడంతో రికార్డు సృష్టించింది. ఈ సందర్భంగా పాఠశాల హెడ్మాస్టర్ శ్రీహరి మాట్లాడుతూ... ఈ బడిబాట కార్యక్రమం నిర్వహించినందుకు ఫలితంగా రికార్డ్ స్థాయిలో అడ్మిషన్ రావడం జరిగిందని అన్నారు. ఈ కృషి స్థానిక సర్పంచ్ చిలుకల మంజుల వెంకన్న, ఉప సర్పంచ్ శ్రీకాంత్, పాలకవర్గ సభ్యులు, ప్రజా ప్రతినిధులు, రిటైర్డ్ ఉపాధ్యాయులు, గ్రామ ప్రజల సహకారంతో ఇంతటి విజయం సాధించామని వారికి ప్రత్యేక కృతజ్ఞతలు తెలిపారు. గ్రామంలో ఈ కార్యక్రమంలో ఉపాధ్యాయులు యాకన్న, పుల్లయ్య, శ్రీదేవి, సుజాత, రమేష్, వెంకట్ రెడ్డి, సురేందర్ మమత ,కిరణ్ బృందం విద్యార్థులు పాల్గొన్నారు.