: రామన్నపేట పోలీస్ స్టేషన్‌కు నూతనంగా బాధ్యతలు స్వీకరించిన ఎస్‌ఐ సతీష్ గోపాటి గారిని కొమ్మాయిగూడెం గ్రామ నాయకులు మర్యాదపూర్వకంగా కలిసి శాలువాతో సత్కరించి ఘనంగా స్వాగతం పలికారు.

ఈ సందర్భంగా గ్రామ నాయకులు మాట్లాడుతూ, ప్రజల సమస్యలను సత్వరమే పరిష్కరించేలా ప్రజలకు అందుబాటులో ఉంటూ సేవలందించాలని ఎస్‌ఐని కోరారు. పోలీస్–ప్రజల మధ్య సత్సంబంధాలు మరింత బలోపేతం కావాలని ఆకాంక్షించారు.

ఎస్‌ఐ సతీష్ గోపాటి మాట్లాడుతూ, ప్రజలు ఎలాంటి సమస్య ఎదురైనా నిర్భయంగా పోలీసులను సంప్రదించాలని, ప్రతి ఫిర్యాదుపై నిష్పాక్షికంగా స్పందించి చట్టబద్ధంగా చర్యలు తీసుకుంటామని తెలిపారు. శాంతిభద్రతల పరిరక్షణలో ప్రజల సహకారం ఎంతో అవసరమని, పోలీస్ శాఖ ఎల్లప్పుడూ ప్రజలకు అండగా ఉంటుందని పేర్కొన్నారు.

ఈ కార్యక్రమంలో రామన్నపేట మేజర్ గ్రామపంచాయతీ మాజీ ఉప సర్పంచ్ కూనూరు కృష్ణ గౌడ్, సీపీఐ నాయకులు ఎర్ర రమేష్ గౌడ్, గౌడ సంఘం సొసైటీ అధ్యక్షులు ఎర్ర వెంకటేష్ గౌడ్, ఏఐటీయూసీ మండల అధ్యక్షులు బత్తుల సత్తయ్య గౌడ్, కాంగ్రెస్ పార్టీ సీనియర్ నాయకులు ఎర్ర నరసింహ గౌడ్ తదితరులు పాల్గొన్నారు.