రామన్నపేట పోలీస్ స్టేషన్‌కు నూతన సబ్‌ ఇన్‌స్పెక్టర్‌గా బాధ్యతలు స్వీకరించిన సతీష్ గోపాతిని కల్లుగీత కార్మిక సంఘం రామన్నపేట మండల కమిటీ సభ్యులు మర్యాదపూర్వకంగా కలిసి శాలువాతో ఘనంగా సత్కరించి స్వాగతం పలికారు.ఈ సందర్భంగా సంఘం నాయకులు కల్లుగీత కార్మికుల సమస్యల పట్ల సానుభూతితో వ్యవహరించి, వారికి అవసరమైన సహాయ సహకారాలు అందించాలని ఎస్‌ఐను కోరారు. దీనికి స్పందించిన ఎస్‌ఐ సతీష్ గోపాతి, కల్లుగీత కార్మికులకు ఎల్లప్పుడూ అందుబాటులో ఉంటూ, చట్టపరమైన పరిధిలో అవసరమైన సహకారం అందిస్తానని హామీ ఇచ్చారు.

ఈ కార్యక్రమంలో కల్లుగీత కార్మిక సంఘం జిల్లా ఉపాధ్యక్షుడు ఎర్ర రవీందర్, జిల్లా సహాయ కార్యదర్శి భావండ్లపల్లి బాలరాజు, జిల్లా కమిటీ సభ్యులు కూనూరు మల్లేశం, మునికుంట్ల లెనిన్, మండల నాయకుడు బాలగోని నరసింహ తదితరులు పాల్గొన్నారు.