తుంగతుర్తి మండల పరిధిలోని గొట్టిపర్తి గ్రామ పంచాయతీ ఆవరణంలో మొట్టమొదటిసారిగా పంచాయతీ కార్యదర్శి ఆధ్వర్యంలో గ్రామసభ నిర్వహించడం జరిగింది. ఈ సందర్భంగా గ్రామాల్లో 12 వార్డు సభ్యులు తమ వార్డులో ఉన్న సమస్యలను గ్రామసభ ద్వారా వివరించారు. ముఖ్యంగా వార్డులలో నీటి సమస్య, సిసి రోడ్లు, కరెంటు స్తంభాలు, విది లైట్లు, పలు సమస్యలపై సర్పంచికి తెలిపారు. గ్రామంలో అంగన్వాడి వారి సమస్యలు తెలుపగా అంగన్వాడీలో ఒకటిలో ఆయా గా లేరని, అంగన్వాడి సెంటర్లో కరెంటు సమస్య ఉందని అన్నారు. పాఠశాలలో హెడ్మాస్టర్లు వారి సమస్యలు తెలుపగా పాఠశాలలో వర్షాకాలంలో నడుస్తానికి విద్యార్థులు ఇబ్బందులు పడుతున్నారని పాఠశాలలో సిసి రోడ్లు ఏర్పాటు చేయాలని, గేటుకు తాళం వేయించాలని, అలాగే పాఠశాలలో విద్యార్థుల సంఖ్య తక్కువ ఉందని, పాఠశాలకు విద్యార్థులు రావడంలేదని తెలిపారు. గ్రామస్తులు గ్రామంలోని సమస్యలు తెలుపగా అర్హులైన అందరికీ ఇందిరమ్మ ఇల్లు ఇవ్వాలని, వీధిలైట్లు లేక ఇబ్బందులు పడుతున్నారని, సైడు మురికి కాలువలకు శుభ్రం చేయించాలని, ముఖ్యంగా గ్రామాల్లో కోతులు బెడుద ఎక్కువగా ఉందని అన్నారు.

ఈ సందర్భంగా సర్పంచ్ చిలకల మంజుల వెంకన్న మాట్లాడుతూ... పలు వార్డులలో నెలకొన్న సమస్యలను వెంటనే పరిష్కరిస్తామని అన్నారు, అలాగే పాఠశాలలో విద్యార్థుల సంఖ్య పెంచేందుకు కృషి చేస్తానని, స్థానిక ఎమ్మెల్యే దృష్టికి తీసుకువెళ్లి సిసి రోడ్లు వేయిస్తానని, అర్హులైన అందరికీ ఇందిరమ్మ ఇండ్లు ఇస్తానని అన్నారు. గొట్టిపర్తి గ్రామాన్ని ఆదర్శవంతంగా తీర్చిదిద్దానని అన్నారు. రాజకీయాల అతీతంగా గ్రామాన్ని అభివృద్ధి కోసం కృషి చేయాలని కోరారు. ఈ కార్యక్రమంలో పంచాయతీ కార్యదర్శి శ్రీధర్, ఉప సర్పంచ్ శ్రీకాంత్, పాలకవర్గ సభ్యులు, సింగిల్ విండో డైరెక్టర్ కేతిరెడ్డి రవీందర్ రెడ్డి, మాజీ సర్పంచ్ గుమ్మడవెల్లి సోమయ్య, మాజీ ఎంపీటీసీ కేతిరెడ్డి లత విజయ్ కుమార్ రెడ్డి, అంగన్వాడి టీచర్లు, ఆశ కార్యకర్తలు, పాఠశాల హెడ్మాస్టర్లు, ఫీల్డ్ అసిస్టెంట్, గ్రామస్తులు పాల్గొన్నారు.