సంగారెడ్డి జిల్లాలోని గొల్లగూడెంలో ఈనెల 10వ తేదీ నుంచి జరగనున్న శ్రీ బ్రమరాంబ సమేత శ్రీ మల్లికార్జున స్వామి కళ్యాణ మహోత్సవం, ఎల్లమ్మ బోనాల ఉత్సవాల సందర్భంగా గ్రామ పెద్దలు, కుర్మ సంఘం ప్రతినిధులు కలిసి ఎమ్మెల్యే చింత ప్రభాకర్‌కు ఆహ్వాన పత్రిక అందజేశారు. ఉత్సవాల వివరాలను తెలియజేయగా, ఆయన తప్పకుండా హాజరవుతానని హామీ ఇచ్చారు. గ్రామ దేవతల ఉత్సవాలు మన సంస్కృతి, సంప్రదాయాలకు ప్రతీకలని, ఇలాంటి పుణ్య కార్యక్రమాల్లో పాల్గొనడం ఆనందంగా ఉంటుందని ఎమ్మెల్యే తెలిపారు. కార్యక్రమంలో కుర్మ సంఘం నాయకులు, ప్రజాప్రతినిధులు, గ్రామస్తులు పాల్గొన్నారు.