నేలకొండపల్లి,

ఖమ్మం జిల్లా నేలకొండపల్లి మండలం రాయిగూడెం గ్రామంలో చైత్ర శుద్ధ నవమి సందర్భంగా శ్రీరామనవమి పర్వదినాన్ని పురస్కరించుకొని శ్రీ సీతారాముల వారి కళ్యాణ మహోత్సవ వేడుకలు భక్తిశ్రద్ధలతో ఘనంగా నిర్వహించారు.

ఈ సందర్భంగా భద్రాచలంలో నిర్వహించిన శ్రీ సీతారాముల తిరుకళ్యాణ మహోత్సవంలో గ్రామ సర్పంచ్ బోయిన వేణు, నాగరాణి దంపతులు, ధర్మకర్త కార్లపాటి రంగరావు సతీసమేతంగా పాల్గొన్నారు. స్వామివారికి పట్టు వస్త్రాలు, ముత్యాల తలంబ్రాలు సమర్పించి ప్రత్యేక పూజలు నిర్వహించారు.

అనంతరం వారు మాట్లాడుతూ శ్రీ సీతారాముల కృపాకటాక్షాలు గ్రామ ప్రజలపై ఎల్లప్పుడూ ఉండాలని, ప్రతి కుటుంబం సుఖసంతోషాలతో, ఐశ్వర్య సమృద్ధితో వర్ధిల్లాలని మనస్ఫూర్తిగా ప్రార్థించినట్లు తెలిపారు.