నారాయణఖేడ్ నియోజకవర్గం మానూర్ మండల పరిధిలోని గట్ లింగంపల్లి గ్రామంలో కొనసాగుతున్న భూ రీ-సర్వే పనులను గురువారం సంబంధించిన అధికారులతో కలిసి జిల్లా కలెక్టర్ ప్రతీక్ జైన్ పరిశీలించారు. గ్రామంలో చేపడుతున్న భూముల కొలతలు, హద్దుల నిర్ధారణ, భూ వివరాల నమోదు తదితర ప్రక్రియలను కలెక్టర్ క్షేత్రస్థాయిలో పరిశీలించి అధికారులను వివరాలు అడిగి తెలుసుకున్నారు. రీ-సర్వే పనులను ఎలాంటి తప్పిదాలకు తావులేకుండా, పారదర్శకంగా మరియు నిబంధనల ప్రకారం పూర్తి చేయాలని అధికారులకు సూచించారు. భూ యజమానులకు ఇబ్బందులు కలగకుండా వారి సమస్యలను ఎప్పటికప్పుడు పరిష్కరించాలని ఆదేశించారు.ఈ సందర్భంగా నారాయణఖేడ్ సబ్ కలెక్టర్ ఉమా హారతి, డిప్యూటీ కలెక్టర్ ప్రతిభ శేఖర్, సర్వే ల్యాండ్ ఏడీ, మానూర్ తహసీల్దార్ విష్ణు సాగర్, ఆర్‌ఐ శంకర్ రెడ్డి, సర్వేయర్ సుమలత,జూనియర్ అసిస్టెంట్ ఖాజా మొయినుద్దీన్,ఉప సర్పంచ్‌తో పాటు గ్రామ ప్రజలు పాల్గొన్నారు. గ్రామంలో భూ రీ-సర్వే ప్రక్రియను సజావుగా పూర్తి చేసేందుకు అధికారులు, సిబ్బంది సమన్వయంతో పనిచేస్తున్నట్లు తెలిపారు.