చిట్యాల: ఇచ్చిన మాటను నిలబెట్టుకుంటూ 6వ వార్డు కౌన్సిలర్ జెరిపోతుల సత్యనారాయణ వెంకటాపురం పాఠశాలలో చదువుతున్న విద్యార్థిని, విద్యార్థులకు తన సొంత ఖర్చుతో షూలు, సాక్స్‌లను పంపిణీ చేశారు. ఒక్కో విద్యార్థికి రూ.1,000 సొంతంగా ఖర్చు చేస్తానని ఇచ్చిన హామీ మేరకు ఒక్కొక్కరికి ఒక జత షూలు, రెండు జతల సాక్స్‌లను అందజేశారు. విద్యార్థుల అవసరాలను గుర్తించి సొంత ఖర్చుతో సహాయం అందించిన కౌన్సిలర్‌ను పాఠశాల సిబ్బంది, విద్యార్థులు అభినందించారు.