సామాజిక సేవలో ఎల్లప్పుడూ ముందుండే కూనూరు సంజయ్ దాస్ గౌడ్ మరోసారి తన సేవా భావాన్ని చాటుకున్నారు. ఆర్థిక ఇబ్బందుల కారణంగా పరీక్ష ఫీజులు చెల్లించలేక ఇబ్బందులు పడుతున్న 39 మంది పదవ తరగతి విద్యార్థులకు ఆయన ఆర్థిక సహాయం అందించారు. వారి పరీక్ష ఫీజులను స్వయంగా భరించి చెల్లించడం ద్వారా విద్యార్థుల భవిష్యత్తుకు భరోసా కల్పించారు.

తెలంగాణ రాష్ట్ర మలిదశ ఉద్యమకారుల సంఘం వ్యవస్థాపక అధ్యక్షులుగా కొనసాగుతున్న సంజయ్ దాస్ గౌడ్, “డబ్బుల కొరత వల్ల ఏ విద్యార్థి చదువు ఆగకూడదు. విద్యే వారి భవిష్యత్తును నిర్మిస్తుంది” అని పేర్కొన్నారు. పేద మరియు మధ్యతరగతి కుటుంబాలకు ఈ సహాయం ఎంతో ఉపశమనాన్ని కలిగించిందని స్థానికులు అభిప్రాయపడ్డారు.

ఈకార్యక్రమంలోప్రధానోపాధ్యాయురాలు బోడ సుశీల, పీఆర్‌టీయూ రాష్ట్ర నాయకులు బాదం బిక్షపతి, తెలంగాణ ఉద్యమ నాయకులు జోగు లింగస్వామి, జిట్ట మల్లేష్, ఉపాధ్యాయులు చెలకరాజు శ్రీనివాస్, నర్రా సరళ తదితరులు పాల్గొన్నారు.విద్యార్థులు మరియు వారి తల్లిదండ్రులు సంజయ్ దాస్ గౌడ్‌కు కృతజ్ఞతలు తెలియజేశారు. భవిష్యత్తులో కూడా విద్య, ఆరోగ్యం మరియు ఇతర సామాజిక సేవా కార్యక్రమాలకు తాను ఎల్లప్పుడూ అందుబాటులో ఉంటానని ఆయన స్పష్టం చేశారు.విద్యార్థుల భవిష్యత్తు కోసం సమాజం కలిసి ముందుకు రావాలనే సందేశాన్ని ఈ కార్యక్రమం మరోసారి స్పష్టంచేసింది.