అడ్డగూడూరు మండలం కంచనపల్లి గ్రామంలో ముఖ్యమంత్రి సహాయ నిధి (సీఎంఆర్ఎఫ్) ద్వారా ఓ బాధిత కుటుంబానికి ఆర్థిక సాయం అందింది. గ్రామ సర్పంచ్ చెడే అంబేద్కర్ ఆధ్వర్యంలో ఆదివారం ఈ సహాయాన్ని అందజేశారు.

గ్రామానికి చెందిన సుంకరబోయిన నాగలక్ష్మి గత కొంతకాలంగా మెదడు సంబంధిత వ్యాధితో బాధపడుతోంది. ఈ విషయాన్ని ఎంపీ చామల కిరణ్ కుమార్ రెడ్డి దృష్టికి తీసుకెళ్లగా, ఆయన సానుకూలంగా స్పందించి సీఎంఆర్ఎఫ్ ద్వారా రూ. 3,54,000 మంజూరు చేయించారు.

ఈ ఆర్థిక సహాయం అందడంతో నాగలక్ష్మి కుటుంబ సభ్యులు ఉపశమనం వ్యక్తం చేస్తూ, ఎంపీకి మరియు సహకరించిన ప్రతి ఒక్కరికీ హృదయపూర్వక ధన్యవాదాలు తెలిపారు