రామన్నపేట మండలంలోని హరిజనవాడ కాలనీలో ఎన్నికల ఎన్యుమరేషన్ ప్రక్రియలో భాగంగా కాలనీవాసులు తమ ఎన్యుమరేషన్ ఫారాలను సంబంధిత అధికారులకు మంగళవారం సమర్పించారు.

పట్టణ కాంగ్రెస్ అధ్యక్షుడు మహమ్మద్ జమీరుద్దీన్ ఆధ్వర్యంలో నిర్వహించిన కార్యక్రమంలో ప్రజలు నింపిన ఎన్యుమరేషన్ ఫారాలను ఎన్నికల శాఖ సీనియర్ అసిస్టెంట్ రమావత్ వినీతాబాయి, బూత్ లెవల్ ఆఫీసర్ (బీఎల్‌ఓ) మేడి లలితకు అందజేశారు.

ఈ సందర్భంగా నాయకులు మాట్లాడుతూ, ప్రతి ఓటరు తమ వివరాలు ఓటర్ల జాబితాలో సక్రమంగా నమోదయ్యేలా ఎన్యుమరేషన్ ప్రక్రియలో భాగస్వాములు కావాలని సూచించారు. అర్హులైన ప్రతి ఒక్కరూ తమ వివరాలను పరిశీలించుకుని అవసరమైన మార్పులు, చేర్పులు చేయించుకోవాలని కోరారు.కార్యక్రమంలో కాంగ్రెస్ పార్టీ జిల్లా నాయకులు బొడ్డు సాలయ్య, సురేందర్ రావు, గ్రామపంచాయతీ బిల్ కలెక్టర్ నకిరేకంటి రాములు తదితరులు పాల్గొన్నారు.