తుంగతుర్తి, కాంగ్రెస్ పార్టీ బలోపేతానికి, సంక్షేమ పథకాల అమలులో ప్రతి ఒక్కరూ భాగస్వాములు కావాలని తుంగతుర్తి మండల కాంగ్రెస్ పార్టీ నూతన అధ్యక్షుడు రేగటి రవి గౌడ్ అన్నారు. బుధవారం మండల కేంద్రంలో తుంగతుర్తి ఎమ్మెల్యే మందుల సామేలు జన్మదిన పురస్కరించుకుని, భారీ కేకును కట్ చేసి, ఎమ్మెల్యేకు శుభాకాంక్షలు తెలుపుతూ అనంతరం ప్రభుత్వ దవాఖానాలో రోగులకు బ్రెడ్ అరటిపండ్లు పంపిణీ చేశారు. ఈ సందర్భంగా ఆయన మాట్లాడుతూ... ఎమ్మెల్యే తన మీద నమ్మకముతో మండల పార్టీ అధ్యక్షునిగా రావడం చాలా సంతోషకరమైన విషయం అని, గ్రామాల్లో నాయకులను కలుపుకుపోతూ, సంక్షేమ పథకాలు ప్రతి ఒక్కరికి అందే విధంగా కృషి చేస్తానని హామీ ఇచ్చారు. ఈ కార్యక్రమంలో కాంగ్రెస్ పార్టీ సీనియర్ నాయకులు, కార్యకర్తలు పాల్గొన్నారు.