ఆదోని నియోజకవర్గంలో టిడిపి ఆధ్వర్యంలో స్వర్గీయ నందమూరి తారక రామారావుకు ఘన నివాళులు అర్పించారు. ఆదోని టిడిపి ఇంచార్జ్ మీనాక్షి నాయుడు ఆదేశాల మేరకు సీనియర్ నాయకులు ఉమాపతి నాయుడు ఆధ్వర్యంలో అబ్జర్వర్ కేశవరెడ్డితో కలిసి పార్టీ నాయకులు, కార్యకర్తలు ఎన్టీఆర్ విగ్రహానికి పూలమాలలు వేసి నివాళులర్పించారు.

అనంతరం స్థానిక పెద్ద ఆసుపత్రిలో బాలింతలకు బ్రెడ్, పండ్లు పంపిణీ చేసి సేవా కార్యక్రమాలు నిర్వహించారు. ఎన్టీఆర్ ఆశయాల సాధనకు కట్టుబడి ప్రజాసేవలో ముందుంటామని నాయకులు పేర్కొన్నారు.

ఈ కార్యక్రమంలో టిడిపి ముఖ్య నాయకులు, అభిమానులు, క్లస్టర్ ఇంచార్జ్‌లు, యూనిట్ సభ్యులు, బూత్ కన్వీనర్లు పెద్ద సంఖ్యలో పాల్గొన్నారు.