విద్యుత్ బిల్లు చెల్లింపుల విషయంలో వినియోగదారులకు చట్టం కొన్ని హక్కులను కల్పించింది. ఎలక్ట్రిసిటీ యాక్ట్ 2003 లోని సెక్షన్ 56 ప్రకారం, వినియోగదారు బిల్లు గడువు తేదీలోపు చెల్లించకపోయినా విద్యుత్ శాఖ వెంటనే కనెక్షన్‌ను నిలిపివేయలేరు.

చట్టం ప్రకారం విద్యుత్ సరఫరా సంస్థ ముందుగా వినియోగదారునికి లిఖితపూర్వక నోటీసు ఇవ్వాలి. ఆ నోటీసు ఇచ్చిన తర్వాత కనీసం 15 రోజుల గడువు ఇవ్వాల్సి ఉంటుంది. ఆ గడువు ముగిసే వరకు బిల్లు చెల్లించకపోతే మాత్రమే విద్యుత్ కనెక్షన్‌ను నిలిపివేయడానికి విద్యుత్ శాఖకు అధికారం ఉంటుంది.

అదేవిధంగా సెక్షన్ 56(2) ప్రకారం రెండు సంవత్సరాలకు మించిన పాత బకాయిల ఆధారంగా వినియోగదారుల విద్యుత్ కనెక్షన్‌ను కట్ చేయలేరు. అయితే ఆ బకాయిలు వినియోగదారుని బిల్లులో నిరంతరం చూపిస్తే మాత్రమే వాటిని వసూలు చేసే అవకాశం ఉంటుంది.

విద్యుత్ బిల్లు సాధారణంగా స్టేట్మెంట్ మాత్రమే అని, దానిని డిస్కనెక్షన్ నోటీసుగా పరిగణించరాదని నిపుణులు చెబుతున్నారు. అయినప్పటికీ వినియోగదారులు సమయానికి బిల్లులు చెల్లించడం తమ బాధ్యత అని అధికారులు సూచిస్తున్నారు.