దిల్సుఖ్‌నగర్: ప్రముఖ స్వాతంత్ర్య సమరయోధుడు, సామాజిక న్యాయ సాధకుడు బాబు జగ్జీవన్ రామ్ జయంతిని దిల్సుఖ్‌నగర్ సిటీ డిపోలో ఆదివారం ఘనంగా నిర్వహించారు. ఈ సందర్భంగా ఆయన చిత్రపటానికి పూలమాలలు వేసి నివాళులర్పించారు.

వారి సేవలను స్మరించుకుంటూ, సమాజంలో అణగారిన వర్గాల అభివృద్ధికి చేసిన కృషిని వక్తలు కొనియాడారు. ఈ కార్యక్రమానికి డిపో మేనేజర్ టీ. సమత అధ్యక్షత వహించగా, అసిస్టెంట్ మెకానికల్ ఇంజనీర్ కళ్యాణి పాల్గొన్నారు.

కార్యక్రమంలో కార్మిక నాయకుడు మోహన్, ఎస్సీ-ఎస్టీ వెల్ఫేర్ అసోసియేషన్ జోనల్ అధ్యక్షుడు ఆనంద్, డిపో సెక్రటరీ కనకయ్య, ట్రెజరర్ వెంకన్నతో పాటు డిపో గ్యారేజ్ సిబ్బంది, సూపర్వైజర్లు పాల్గొన్నారు.

జయంతి వేడుకను డిపో సిబ్బంది ఐక్యంగా నిర్వహించి బాబు జగ్జీవన్ రామ్‌కు ఘన నివాళులర్పించారు.