ఇంద్రపార్క్ ధర్నా ముందే అరెస్టులు

యాదాద్రి భువనగిరి జిల్లా: తెలంగాణ గ్రామ పంచాయతీ ఎంప్లాయిస్ వర్కర్స్ యూనియన్ రాష్ట్ర కమిటీ పిలుపు మేరకు హైదరాబాద్‌లోని ఇంద్రపార్క్ వద్ద నిర్వహించనున్న ధర్నా నేపథ్యంలో పోలీసులు ముందస్తు చర్యలు చేపట్టారు. గ్రామపంచాయతీ కార్మికులకు గ్రీన్ ఛానల్ ద్వారా వేతనాలు చెల్లించాలని, మల్టీపర్పస్ విధానాన్ని రద్దు చేయాలని డిమాండ్ చేస్తూ చేపట్టిన ఆందోళనకు అడ్డుకట్ట వేయడానికి నాయకులను ముందస్తుగా అదుపులోకి తీసుకున్నారు.

ఈ సందర్భంగా యాదాద్రి భువనగిరి జిల్లా వర్కింగ్ ప్రెసిడెంట్ బందెల బిక్షం, రామన్నపేట మండల అధ్యక్షుడు గాదె ఎల్లయ్యలను పోలీసులు ముందస్తు అరెస్టు చేశారు. కార్మిక సమస్యలపై పోరాటాలను అణచివేయడమే ఈ చర్యల లక్ష్యమని యూనియన్ నాయకులు ఆవేదన వ్యక్తం చేశారు