తిపర్తి, జూలై 28

కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా దేశవ్యాప్తంగా విద్యార్థి, యువజన ఉద్యమాల విజయమని డివైఎఫ్ఐ తెలంగాణ రాష్ట్ర ఉపాధ్యక్షులు మల్లం మహేష్ అన్నారు. మంగళవారం తిపర్తిలో నిర్వహించిన డివైఎఫ్ఐ మండల కమిటీ సమావేశంలో ఆయన మాట్లాడారు.

నీట్‌తో పాటు జాతీయ స్థాయి పోటీ పరీక్షల్లో జరిగిన పేపర్ లీక్‌లు, అవకతవకలతో లక్షలాది మంది విద్యార్థులు నష్టపోయారని పేర్కొన్నారు. ఈ ఘటనలకు నైతిక బాధ్యత వహిస్తూ కేంద్ర మంత్రి రాజీనామా చేయడం విద్యార్థుల పోరాటానికి లభించిన విజయమని అన్నారు.

దేశవ్యాప్తంగా విద్యార్థులు, యువత, డివైఎఫ్ఐ, ఎస్ఎఫ్ఐతో పాటు ప్రజాస్వామ్య శక్తులు చేపట్టిన ఉద్యమాల ఫలితంగానే ఈ పరిణామం చోటుచేసుకుందని తెలిపారు. భవిష్యత్తులో పేపర్ లీక్‌లు, పరీక్షల అవకతవకలు పునరావృతం కాకుండా కేంద్ర ప్రభుత్వం కట్టుదిట్టమైన చర్యలు తీసుకోవాలని, పారదర్శకంగా పరీక్షలు నిర్వహించి విద్యార్థుల భవిష్యత్తును కాపాడాలని డిమాండ్ చేశారు.

సమావేశంలో డివైఎఫ్ఐ తిపర్తి మండల కార్యదర్శి పోకల శశిధర్, మండల అధ్యక్షుడు లింగరాజు, శంకర్, శివ, పవన్ తదితరులు పాల్గొన్నారు.