నిబంధనలకు విరుద్ధంగా వాహనాలకు ఉపయోగిస్తున్న నంబర్ ప్లేట్ల తొలగింపు.



నిబంధనల మేరకు వాహన నంబర్ ప్లేట్లు ఉండాలి-ఎస్ఐ అంజి రెడ్డి

కోదాడ పట్టణంలో ట్రాఫిక్ ఎస్సై అంజిరెడ్డి ఆధ్వర్యంలో ఈరోజు ట్రాఫిక్ పోలీసులు ముమ్మరంగా వాహనాల తనిఖీలు నిర్వహించారు. ఈ తనిఖీల్లో భాగంగా మోటారు వాహనాల చట్టం నిబంధనలకు విరుద్ధంగా, నంబర్లకు బదులుగా 'BOSS' అని మరియు ఇతర ఫ్యాన్సీ అక్షరాలతో ఉన్న క్రమరహిత నంబర్ ప్లేట్లను పోలీసులు గుర్తించి, వాటిని అక్కడికక్కడే తొలగించారు. నిబంధనలు ఉల్లంఘించిన వాహనదారులపై కేసులు నమోదు చేసి జరిమానాలు విధించారు.ఈ సందర్భంగా ట్రాఫిక్ ఎస్సై మాట్లాడుతూ, వాహనదారులు ఎవరైనా సరే ప్రభుత్వ నిబంధనల ప్రకారమే తమ వాహనాలకు నంబర్ ప్లేట్లను అమర్చుకోవాలని సూచించారు. నంబర్ ప్లేట్లపై పేర్లు, హోదాలు లేదా ఫ్యాన్సీ అక్షరాలు రాయిస్తే చట్టపరమైన చర్యలు తప్పవని హెచ్చరించారు. వాహనదారులు ట్రాఫిక్ నిబంధనలను పాటించి పోలీసులకు సహకరించాలని ఆయన కోరారు.