డిఆర్ఓ జయకు వినతిపత్రం అందజేత

​ఉపసర్పంచ్‌ల న్యాయమైన డిమాండ్లను వెంటనే పరిష్కరించాలని కోరుతూ 'తెలంగాణ రాష్ట్ర ఉపసర్పంచ్‌ల ఫోరం' యాదాద్రి భువనగిరి జిల్లా అధ్యక్షుడు డా. సుర్కంటి శ్రీధర్ రెడ్డి ఆధ్వర్యంలో మంగళవారం జిల్లా కలెక్టరేట్‌లో వినతిపత్రం సమర్పించారు. కలెక్టర్ అందుబాటులో లేకపోవడంతో, ఫోన్‌లో ఆయనతో మాట్లాడి అనంతరం కలెక్టర్ సూచన మేరకు డిఆర్ఓ జయకు వినతిపత్రాన్ని అందజేశారు.ఉపసర్పంచ్‌ల సమస్యలను రాష్ట్ర ప్రభుత్వం దృష్టికి తీసుకెళ్లి పరిష్కారానికి కృషి చేస్తామని కలెక్టర్ ఫోన్ సంభాషణలో హామీ ఇచ్చారని శ్రీధర్ రెడ్డి తెలిపారు. ఈ కార్యక్రమంలో 17 మండలాల ఫోరం అధ్యక్షులు, జిల్లా కమిటీ సభ్యులు, ఉపసర్పంచ్‌లు పాల్గొన్నారు.