డాక్టర్ టి. వెంకట రామరావు ఆత్మశాంతి కోసం నిర్వహించిన ఉదక శాంతి మరియు ద్వాదశ దిన (12వ రోజు) కర్మ కార్యక్రమాలు సోమవారం భక్తిశ్రద్ధలతో నిర్వహించబడ్డాయి. వేద పండితుల మంత్రోచ్చారణల మధ్య సంప్రదాయబద్ధంగా ఈ క్రతువులు సాగాయి.

తన పెద్దనాన్న కుమారుడు సీనియర్ జర్నలిస్టు డాక్టర్ జితేందర్ రావు తనుగుల ఈ కార్యక్రమాలను కుటుంబ బాధ్యతగా భావించి అంత్యక్రియల నుంచి ద్వాదశ దిన కర్మ వరకు అన్ని కార్యక్రమాలను స్వయంగా పర్యవేక్షిస్తూ శాస్త్రోక్తంగా నిర్వహించారు. ఆయన సతీమణి రేణుకతో కలిసి ఈ కార్యక్రమంలో పాల్గొన్నారు.

ఈ సందర్భంగా బంధుమిత్రులు పెద్ద సంఖ్యలో హాజరై మరణించిన వారి ఆత్మకు సద్గతులు కలగాలని ప్రార్థించారు. డాక్టర్ రామరావు ధర్మపత్ని శ్రీదేవి (చిన్నమ్మ) తన భర్తతో ఉన్న అనుబంధాన్ని గుర్తుచేసుకుంటూ భావోద్వేగానికి లోనయ్యారు. కుమార్తెలు శిరీష, హిమబిందు, ఇందిర ప్రియదర్శిని తమ కుటుంబ సభ్యులతో కలిసి నివాళులర్పించారు. అల్లుడు శశికుమార్‌తో పాటు కుటుంబ సభ్యులు సతీష్ కుమార్, శశికళ, జ్యోతి, సుహర్షి, హర్ష, చంద్రిక, ధనుష్ మరియు మనవలు, మనవరాళ్లు కార్యక్రమంలో పాల్గొన్నారు.

ఈ కార్యక్రమానికి ప్రముఖులు డాక్టర్ టి.ఆర్.కే. రావు (డైరెక్టర్ జనరల్, మైనింగ్ – నాగ్‌పూర్), డాక్టర్ జితేందర్ రావు తల్లి రేవతి తదితరులు హాజరై నివాళులర్పించారు. కార్యక్రమం విజయవంతంగా, నిర్విఘ్నంగా సాగేందుకు శ్రీ సదాశివరావు విష్ణుదాస్ విశేష కృషి చేశారు.