చిట్యాల మున్సిపాలిటీ పరిధిలోని రెండో వార్డులో ఇటీవల జరిగిన ఆకస్మిక అగ్ని ప్రమాదంలో నష్టపోయిన బాధిత కుటుంబాన్ని వార్డ్ కౌన్సిలర్ షబానా అజీమ్‌తో పాటు బీఆర్‌ఎస్ నాయకులు పరామర్శించారు. బాధిత కుటుంబ సభ్యులను ఓదార్చి వారు, జరిగిన నష్టంపై ఆరా తీశారు.ఈ సందర్భంగా వారు మాట్లాడుతూ అగ్ని ప్రమాదంతో ఇబ్బందులు ఎదుర్కొంటున్న కుటుంబానికి పార్టీ తరఫున అండగా నిలుస్తామని హామీ ఇచ్చారు. ప్రభుత్వం నుంచి తగిన నష్టపరిహారం అందేలా ఉన్నతాధికారుల దృష్టికి సమస్యను తీసుకెళ్లి కృషి చేస్తామని తెలిపారు.

ఈ కార్యక్రమంలో బీఆర్‌ఎస్ నాయకులు బొబ్బలి శివశంకర్ రెడ్డి, ఆగు అశోక్ యాదవ్, రావుల వెంకన్న, మాసపల్లి వెంకన్న, గౌస్ పాషా, షేక్ సుల్తాన్ తదితరులు పాల్గొన్నారు.