1. 10వ తరగతి విద్యార్థులకు శ్రీకృష్ణ సేవా ట్రస్ట్ ఆధ్వర్యంలో కెరీర్ గైడెన్స్, ప్రతిభా పురస్కారాలు

సూర్యాపేట జిల్లా కేంద్రంలో శ్రీకృష్ణ సేవా ట్రస్ట్ ఆధ్వర్యంలో 10వ తరగతి విద్యార్థుల కోసం కెరీర్ గైడెన్స్ కార్యక్రమం, ప్రతిభా పురస్కారాల సభ ఆదివారం ఘనంగా నిర్వహించారు. కార్యక్రమానికి యాదవ సంఘం ప్రముఖులు, ట్రస్ట్ సభ్యులు, విద్యార్థులు, తల్లిదండ్రులు పెద్ద సంఖ్యలో హాజరయ్యారు. ఈ సందర్భంగా ప్రభుత్వ పాఠశాలల్లో చదువుతూ 10వ తరగతిలో ప్రతిభ కనబరిచిన విద్యార్థులు, వారి తల్లిదండ్రులను ఘనంగా సత్కరించారు.

ఈ కార్యక్రమానికి ముఖ్య అతిథిగా హాజరైన తెలంగాణ రాజ్యాధికార పార్టీ రాష్ట్ర ప్రధాన కార్యదర్శి వట్టే జానయ్య యాదవ్ మాట్లాడుతూ రాష్ట్రంలో జరుగుతున్న సామాజిక, రాజకీయ మార్పుల్లో యాదవులు కీలక పాత్ర పోషించాలని పిలుపునిచ్చినట్లు తెలిపారు. కాలంతో పాటు ఆలోచనలు, రాజకీయ నిర్ణయాలు కూడా మారాల్సిన అవసరం ఉందని, బీసీలు, ఎస్సీలు, ఎస్టీలు, మైనార్టీలు ఐక్యంగా ముందుకు వచ్చి రాజ్యాధికారాన్ని సాధించాల్సిన సమయం ఆసన్నమైందని పేర్కొన్నట్లు తెలిపారు.

యాదవులు చారిత్రాత్మకంగా అనేక రంగాల్లో వెనుకబాటుకు గురయ్యారని, విద్య, ఉద్యోగ, రాజకీయ అవకాశాల్లో తమకు రావాల్సిన ప్రాధాన్యత దక్కలేదని ఆవేదన వ్యక్తం చేసినట్లు తెలిపారు. బడుగు బలహీన వర్గాలు ఐక్యంగా ముందుకు వస్తేనే సామాజిక న్యాయం సాధ్యమవుతుందని, బీసీలకు రాజకీయంగా మరింత ప్రాధాన్యత లభించాల్సిన అవసరం ఉందని అభిప్రాయపడినట్లు తెలిపారు.

ప్రభుత్వ పాఠశాలల్లో చదువుతున్న పేద విద్యార్థులకు మెరుగైన అవకాశాలు కల్పించాల్సిన అవసరం ఉందని, విద్యకు అధిక ప్రాధాన్యత ఇచ్చినప్పుడే సమాజంలో మార్పు సాధ్యమవుతుందని పేర్కొన్నట్లు తెలిపారు. భవిష్యత్ తరాలకు అండగా నిలవాలనే లక్ష్యంతో శ్రీకృష్ణ సేవా ట్రస్ట్ విద్యా, సామాజిక సేవా కార్యక్రమాలు నిర్వహించడం అభినందనీయమని కొనియాడినట్లు తెలిపారు.

కార్యక్రమంలో మాజీ ఎంపీ బడుగుల లింగయ్య యాదవ్, మరియాద సైదులు యాదవ్, లింగమంతుల స్వామి, ట్రస్ట్ చైర్మన్ పోలబోయిన నర్సయ్య యాదవ్, మాజీ ఎంపీపీ శ్రీనివాస్ యాదవ్, వజ్జె వీరన్న యాదవ్, మాజీ జెడ్పీటీసీ శ్రీనివాస్ యాదవ్, నాగరాజు, వెంకటేశ్వర్లు, మాజీ జెడ్పీటీసీ శీలం సైదులు, గొడ్డెటి సైదులు, మట్టపల్లి రాము, బార్ అసోసియేషన్ జనరల్ సెక్రటరీ సుంకరబోయిన రాజు తదితరులు పాల్గొన్నారు.

చివరగా వట్టే జానయ్య యాదవ్ మాట్లాడుతూ యాదవులు ఐక్యంగా నిలిస్తే బీసీల ఐక్యత బలోపేతమవుతుందని, సామాజిక న్యాయం సాధనలో అన్ని వర్గాలు కలిసి ముందుకు రావాల్సిన అవసరం ఉందని పిలుపునిచ్చినట్లు తెలిపారు