నారాయణఖేడ్ నియోజకవర్గంలోని కంగ్టి మండల కేంద్రంలో గ్రామ పరిశుభ్రతకు ప్రాధాన్యత ఇస్తూ ప్రత్యేక పారిశుద్ధ్య కార్యక్రమం నిర్వహించారు. సర్పంచ్ కృష్ణా ముదిరాజ్, ఉపసర్పంచ్ గణపతి, వార్డు సభ్యులు కలిసి ప్రధాన వీధులు, కాలువలు, పరిసర ప్రాంతాలను శుభ్రం చేశారు. ఈ సందర్భంగా సర్పంచ్ కృష్ణా ముదిరాజ్ మాట్లాడుతూ, ప్రతి ఒక్కరూ తమ పరిసరాలను పరిశుభ్రంగా ఉంచి గ్రామ అభివృద్ధికి సహకరించాలని కోరారు. పరిశుభ్రమైన గ్రామ నిర్మాణం కోసం ఇలాంటి కార్యక్రమాలను నిరంతరం కొనసాగిస్తామని తెలిపారు.